அறிவோம் அழகுத் தமிழ் வார்த்தை – துப்பன்

ஓவியம் : இணையம்

'அறிவோம் அழகுத் தமிழ் வார்த்தை' –  துப்பன்

வார்த்தை :  துப்பன்

பொருள்

·         வலிமையுள்ளவன்

·         ஒற்றன்

·         நுகர்வோன்

·         உணவாயுள்ளவன்

குறிப்பு உதவி / இலக்கிய பயன்பாடு

1.

செப்ப நெஞ்சே நெறிகொள் சிற்றின்பம்

*துப்ப* னென்னா தருளே துணையாக

ஒப்ப ரொப்பர் பெருமா னொளிவெண்ணீற்

றப்பர் சோற்றுத் துறைசென் றடைவோமே.

தேவாரம் - 1ம் திருமுறை - திருஞானசம்பந்தர்

உலகத்தில், இவ்வாழ்க்கையின் பயனாக அடையக் கூடிய சிற்றின்பத்தில் திளைக்காது, சமநிலையால் ஒப்ப நோக்கி, ஈசன் அருளைத் துணையாகக் கொண்டு வாழ வேண்டும். அத்தகைய தன்மையை ஒளியுடைய வெண்ணீறு அணிந்த பெருமான் ஒப்புவர். நெஞ்சமே ! ஈசன் விளங்கும் சோற்றுத்துறை சென்று அவன் தாள் மலரை வணங்கி நற்கதி அடைக.