அறிவோம் அழகுத் தமிழ் வார்த்தை – முகிழ்த்தல்

ஓவியம் : இணையம்

'அறிவோம் அழகுத் தமிழ் வார்த்தை' –  முகிழ்த்தல்

வார்த்தை :  முகிழ்த்தல்

பொருள்

• ·         அரும்புதல்
• ·         தோன்றுதல்
• ·         குவிதல்
• ·         தோற்றுவித்தல்

குறிப்பு உதவி / இலக்கிய பயன்பாடு

1.

பதத்தே உருகி, நின் பாதத்திலே மனம் பற்றி, உன்தன்

இதத்தே ஒழுக, அடிமை கொண்டாய், இனி, யான் ஒருவர்

மதத்தே மதி மயங்கேன், அவர் போன வழியும் செல்லேன்--

முதல் தேவர் மூவரும் யாவரும் போற்றும் முகிழ் நகையே*.

அபிராமி அந்தாதி

அன்னையே, முதல் என்று கூறப்படும் மும்மூர்த்திகளும் மற்றுமுள்ள தேவர்களும் போற்றித் தொழுகின்ற புன்னகையையுடையவளே! உன்னுடைய ஞானத்திற்காகவே உருகிநின்ற என்னை உன் பாதத்திலேயே பற்றும்படி செய்து, உன் வழிப்படியே யான் நடக்கும்படி அடிமையாகக் கொண்டவளே! இனி நான் வேறொரு மதத்திலே மன மயக்கம் கொள்ள மாட்டேன். அவர்கள் செல்லும் வழியிலேயும் செல்ல மாட்டேன்.

2.

வானையும் கடலையும் நோக்கி யிருந்தேன்;

மூலைக் கடலினையவ் வான வளையம்

முத்தமிட் டேதழுவி  முகிழ்த்தல் கண்டேன்;

நீல நெருக்கிடையில் நெஞ்சு செலுத்தி,

நேரங் கழிவ திலும் நினைப்பின்றியே

சாலப் பலபல நற் பகற்கனவில்

தன்னை மறந்தலயந் தன்னில் இருந்தேன்.

சி.சுப்ரமணிய பாரதியார்