அறிவோம் அழகுத் தமிழ் வார்த்தை - அரற்றுதல்

ஓவியம் : இணையம்

'அறிவோம் அழகுத் தமிழ் வார்த்தை' –  அரற்றுதல்

வார்த்தை :  அரற்றுதல்

பொருள்

·         ஆரவாரித்தல்

·         ஒலித்தல்   

·         கதறுதல்   

·         கூப்பிடுதல்

·         பலவுஞ்சொல்லித்தன் குறைகூறுதல்

·         அன்பினால் வாய்விட்டழுதல்

குறிப்பு உதவி / இலக்கிய பயன்பாடு

1.

ஆர்க்கோ *அரற்றுகோ* ஆடுகோ பாடுகோ

பார்க்கோ பரம்பரனே என்செய்கேன் தீர்ப்பரிய

ஆனந்த மாலேற்றும் அத்தன் பெருந்துறையான்

தானென்பார் ஆரொருவர் தாழ்ந்து.

8ம் திருமுறை - மாணிக்கவாசகர்

என்னோடு கூடி நின்று, இன்பப் பித்தேற்றுவான் திருப்பெருந்துறை இறைவனே என்று என்பால் தெளிவிப்பார் ஒருவர் உளராயின் அவரைப் பணிந்து ஆரவாரிப்பேனோ?. அரற்று வேனோ?. ஆடுவேனோ?. பாடுவேனோ?. நான் என் செய்து பாராட்டுவேன்?.

துக்கடா

குறில் - என் - என்னுடைய

நெடில் - எண் – எண்ணுதல்