அறிவோம் அழகுத் தமிழ் வார்த்தை - கரைதல்

ஓவியம் : இணையம்

'அறிவோம் அழகுத் தமிழ் வார்த்தை' –  கரைதல்

வார்த்தை :  கரைதல்

பொருள்

·         கரைந்துபோதல்

·         உருகுதல்

·         இளைத்தல்

·         அழைத்தல்

·         சொல்லுதல்

·         அழுதல்

·         உருவழிதல்

·         ஒலித்தல்

·         வருந்துதல்

·         காக்கையின்கூப்பீடு.

குறிப்பு உதவி / இலக்கிய பயன்பாடு

1.

ஒருக்கால் உபாதியை ஒண்சோதி தன்னைப்

பிரித்துணர் வந்த உபாதிப் பிரிவைக்

கரைத்துணர் வுன்னல் *கரைதல்உள்* நோக்கல்

பிரத்தியா காரப் பெருமைய தாமே .

திருமந்திரம் - 10ம் தந்திரம் - திருமூலர்

மனத்தை குவித்தலால், மாயைக்கு உட்பட்டு, அந்த மாயைகளில் சிக்காமல் அவற்றை கடந்து சென்று, கருவி கரணங்களின் தொடக்கையும், ஆன்ம அறிவையும் வேறு பிரித்துக் காணுதலும், அவ்வாறு காணும் காட்சியையும் மெல்ல மெல்ல மறந்து, அறிவு வடிவாகிய இறைவனை உணர்தலும், அந்த உணர்வினால் அவனிடத்து அன்பு மிகப் பெறுதலும், அந்த அன்பினால் அவனிடத்தே அழுந்திக் கிடக்க முயலுதலும் ஆகிய இவையே பிரத்தியாகாரத்தால் அடையும் பெரும் பயன்களாம்.

துக்கடா

குறில் - கலை

நெடில் – களை