சைவத் திருத்தலங்கள் 274 - திருவான்மியூர்

தல வரலாறு(சுருக்கம்)

·   வான்மீகி நாதருக்கு வன்னி மரத்தடியில் காட்சி அருளிய இடம்.

·   அகத்தியருக்கு நோய்களைப் பற்றியும் அதற்கான மருந்துகளையும் ஈசன் உபதேசித்த இடம்.

·   அபயதீட்சிதருக்கு கடும் மழை வெள்ளப் பெருக்கால் காண முடியா முகத்தை காண்பிப்பதற்காக மேற்கு நோக்கிய தரிசனம்

·   காமதேனு சிவனுக்கு பால் சுரந்து பாப விமோசனம் பெற்ற இடம் - பால்வண்ண நாதர்.

தலம்	திருவான்மியூர்
பிற பெயர்கள்	தியாகராஜர், வான்மீகிநாதர், வேதபுரீஸ்வர, அமுதீஸ்வரர், பால்வண்ணநாதர்
இறைவன்	மருந்தீஸ்வரர்
இறைவி	திரிபுர சுந்தரி, சொக்க நாயகி
தல விருட்சம்	வன்னி
தீர்த்தம்	பஞ்ச தீர்த்தம்
சிறப்புகள்
மாவட்டம்	சென்னை
திறந்திருக்கும் நேரம் / முகவரி	காலை 6மணி முதல் மணி 12வரை, மாலை 4மணி முதல் இரவு 9 மணி வரை  அருள்மிகு மருந்தீஸ்வரர் திருக்கோயில், திருவான்மியூர், சென்னை-600 041. சென்னை மாவட்டம்.  +91 - 44 - 2441 0477.
பாடியவர்கள்	திருஞானசம்மந்தர், திருநாவுக்கரசர், அருணகிரியார்
நிர்வாகம்	இந்து சமய அறநிலையத் துறை
இதர குறிப்புகள்	தேவாரப் பாடல் பெற்ற தொண்டை நாட்டுத் தலங்களில் 25வது தலம்.

திரிபுரசுந்தரி உடனாகிய மருதீஸ்வரர்

பாடியவர்                    திருஞானசம்மந்தர்      

திருமுறை                   இரண்டாம் திருமுறை 

பதிக எண்                    4

திருமுறை எண்              1509

பாடல்

தக்கில் வந்த தசக்கிரி வன்றலை பத்திறத் 

திக்கில் வந்தல றவ்வடர்த் தீர்திரு வான்மியூர்த் 

தொக்க மாதொடும் வீற்றிருந் தீரரு ளென்சொலீர் 

பக்க மேபல பாரிடம் பேய்கள் பயின்றதே.       

பொருள்

முறையற்ற நெறியில் பல திசைகளிலும் மலை போன்ற பத்து தலைகளை உடைய இராவணன் பெயர்க்க முற்படும் போது அவை அலறுமாறு அடர்ந்தவரே, திருவான்மியூர் திருத்தலத்தில் உமையோடு வீற்றிருந்து அருளினிர். பல பூதக் கணங்களும் பேய்களும் உங்களைச் சூழ்ந்து உங்களிடம் பயிலக் காரணம் என்ன?

கருத்து

தகு இல் - தகுதியில்லாத நெறியினில்

தசக்கிரி - மலை போன்ற பத்துத் தலைகளை

பலபாரிடம் - பூதகணம்.

பாடியவர்                     திருநாவுக்கரசர்     

திருமுறை                    5ம் திருமுறை 

பதிக எண்                    82

திருமுறை எண்               1881

பாடல்

பொருளுஞ் சுற்றமும் பொய்ம்மையும் விட்டுநீர்

மருளும் மாந்தரை மாற்றி மயக்கறுத்

தருளு மாவல்ல ஆதியா யென்றலும்

மருள றுத்திடும் வான்மியூ ரீசனே.

பொருள்

வான்மீகி நாதரே,,தேடிப் பெற்ற பொருள், சுற்றம், பொய் இவைகளை  வியக்கும் மனிதர்கள் விலக்கி மயக்கம் நீக்கி அருள் தரும் ஆதியாய் என்று அருளும் அளித்திடுவாய்.

Image courtesy: Internet

ராமன் - என்றும் தொடரும் நிகழ்வுகள்

இது ராமனை பற்றிய ஒரு சில நிகழ்வுகளும் நினைவுகளும் -  ஸ்ரீ ராம நவமியை முன்னிட்டு.

இந்த நிகழ்வினை எப்போது நினைத்தாலும் என்னையும் அறியாமல் இதயம் கலங்குகிறது.

சத்யமான தெய்வம், நீல வர்ணத்திகே சொந்தமானவன் ராமன் தன் நிலை மறக்கிறான். அம்பினை எடுத்து கடல் அரசனை சந்திக்க தயாராகிறான்.  (நான் அறிந்த வரையில் இதுவே ராமன் காட்டிய கோபம்)

கடல் அரசன் எதிரில் வந்து மன்னிப்பு கோருகிறான்.

அம்பினை எடுத்த ராமன் அதை தரையில் விடுகிறான்.

கடல் அரசனுடன் பேச்சு வார்த்தை முடிகிறது.

ராமன் திரும்புகிறான். அம்பு ஒரு மண்டுகத்தில் மேல் அம்பு செருகப்பட்டிருக்கிறது.

ராமன் கதறுகிறான் மனம் பதறுகிறது.

'ஏன் கத்தவில்லை, உரைக்க வில்லை'  ராமன்.

'பிறப்பிலும் இறப்பிலும் உரைத்தல் உன் நாமம், ஆனால் நீயே என் மேல் அம்பு வைக்கும் போது நான் யாரிடம் போய் சொல்வேன்'. தவறு செய்தாலும் அது குறித்து வருந்துதல் ராமனுக்கு மட்டுமே உரித்தானது.

உருகுகிறான் ராமன். 'உன் ஜென்மம் தீர்ந்தது. நீ மகரிஷியாக வருவாய், எம்மை பற்றி நிற்பாய்'.

இவரே மண்டுக மகரிஷியாக பிறந்து சுந்தர் ராஜ பெருமானிடம் சேர்ந்தவர்(மதுரை - கள்ளழகர் கோயில்)

சைவத் திருத்தலங்கள் 274 - திருவொற்றியூர்

தல வரலாறு(சுருக்கம்)/ சிறப்புகள்

·   சிவன் சுயம்பு மூர்த்தி - தீண்டாத் திருமேனி

·   சிவன் வடிவம் - பாணலிங்க வடிவம்

·   மூலவர் - படம்பக்க நாதர் - கவச திருமேனி - கார்த்திகை பௌர்ணமி ஒட்டிய மூன்று நாட்கள் மட்டும் கவசம் விலக்கப்படும்.

·   அம்பிகை ஞான சக்தி வடிவம்

·   மகிஷாசூரன் அற்ற துர்க்கை

·   அம்மனின் 51வது சக்தி பீடங்களில் இஷூ பீடம்

·   தேவாரப் பாடல் வரிசைகளில் 253வது தலம்

·   சப்த விடத் தலங்களில் ஒன்று

·   கஜ பிருஷ்ட விமானம்

·   பைரவர் நாய் வாகனம் இல்லாமல் காட்சி

·   சிவனில் வடிவங்களில் ஒன்றான ஏகபாத மூர்த்தி - வெளிப் பிரகாரத்தில்

·   சுந்தரர் சங்கிலி நாச்சியாரை திருமணம் செய்து கொண்ட இடம்

·   ஏலேலே சிங்கர் மன்னருக்கு தருவதாக வைத்திருந்த மாணிக்கங்களை காசி சிவ பக்தர்களிக்கு தந்ததால் 'மாணிக்க தியாகர்'

·   உபமன்யு முனிவரின் ஆலோசனைப்படி வாசுகி முக்தி வேண்டி வழிபட்டு முக்தி அடைந்த இடம் - படம்பக்க  நாதர்

·   கண்ணகியின் உக்கிரம் குறைக்க சிவனும் பார்வதியும் தாயம் ஆடி, கட்டைகளை கிணற்றில் இட்டு கண்ணகியை கிணற்றினுள் இட்டு கோபம் குறைத்த இடம்

·   63 நாயன் மார்களில் ஒருவரான கலிய நாயனார் வறுமையின் காரணமாக தனது கழுத்தை அறுத்து ரத்தத்தை எடுத்து விளக்கு எரித்து முக்தி அடைந்த தலம்.(குருபூசை நாள்: ஆடி - கேட்டை)

·   63 நாயன் மார்களில் ஒருவரான ஐயடிகள் காடவர்கோன் நாயனார் பாடிய தலம்

·   நுனிக் கரும்பை இனிக்க வைத்து பட்டினத்து அடிகளுக்கு முக்தி அளித்த தலம்.

·   நந்திக்காக சிவன் பத்ம தாண்டவம் ஆடிய இடம்

·   வட்டப்பாறை அம்மனின் உக்கிரம் குறைய ஆதிசங்கரர் ஸ்ரீசக்ரம் ஸ்தாபிதம் செய்த இடம்

தலம்	திருவொற்றியூர்
பிற பெயர்கள்	முக்தி தலம், ஆதிபுரி, பூங்கோயில், பூவுலகச் சிவலோகம்
இறைவன்	படம்பக்கநாதர், ஒற்றீஸ்வரர், ஆதிபுரீஸ்வரர், புற்றிடங்கொண்டார், எழுத்தறியும் பெருமாள், தியாகேசர்,
இறைவி	வடிவுடை அம்மன், திரிபுரசுந்தரி
தல விருட்சம்	மகிழம், அத்தி
தீர்த்தம்	பிரம்ம, நந்தி தீர்த்தம்
சிறப்புகள்	சித்திரையில் வட்டப்பாறையம்மன் உற்சவம், வைகாசியில் வசந்தோற்ஸவம், சிவராத்திரி, திருக்கார்த்திகை, மாசி மகம்.
மாவட்டம்	சென்னை
திறந்திருக்கும் நேரம் / முகவரி	அருள்மிகு தியாகராஜர் திருக்கோவில் திருவொற்றியூர் சென்னை PIN – 600019 +91-44 - 2573 3703.  +91-94444-79057 வெள்ளி - காலை 5 மணி முதல் இரவு 10 மணி வரை பெளர்ணமி -  காலை 6 மணி முதல் இரவு 9 மணி வரை மற்ற நாட்கள் - காலை 5 மணி முதல் பகல் 12 மணி வரை மாலை - 4 மணி முதல் இரவு 8 30 மணி வரை
பாடியவர்கள்	சம்பந்தர், நாவுக்கரசர், சுந்தரர், மாணிக்கவாசகர்,
நிர்வாகம்	இந்து அறநிலையத்துறை
இதர குறிப்புகள்	ஐயடிகள் காடவர்கோன், முசுகுந்தன்,, பிரமன், திருமால், நந்திதேவர், சந்திரன், வால்மீகி முனிவர், 27 நட்சத்திரங்கள் ஆகியவர்கள் வழிபட்ட தலம். காளமேகப்புலவர், இரட்டைப்புலவர்கள், தியாகராஜ சுவாமிகள், முத்துசுவாமி தீட்சிதர், மறைமலையடிகளார் ஆகியவர்கள் பாடி உள்ளனர்

வடிவுடைஅம்மன்

பாடியவர்                      திருநாவுக்கரசர்     

திருமுறை                     4ம் திருமுறை 

பதிக எண்                     45

திருமுறை எண்                7

பாடல்

பிணமுடை யுடலுக் காகப் பித்தராய்த் திரிந்து நீங்கள்

புணர்வெனும் போகம் வேண்டா போக்கலாம் பொய்யை நீங்க

நிணமுடை நெஞ்சி னுள்ளா னினைக்குமா நினைக்கின் றாருக்கு

உணர்வினோ டிருப்பர் போலு மொற்றியூ ருடைய கோவே

கருத்து

மரணம் உடையதும், விரும்பத் தக்காத நாற்றம் உடைய உடலை பாதுகாக்க பைத்தியம் போல் திரிந்து மறுமையைத் தரும் சிற்றின்பத்தை விலக்குக. நீக்குவதற்கு உரித்தான எளிதான வழி நெஞ்சில் உறையும் இறைவனையும் நினைத்தல். அவ்வாறு செய்தால் ஒற்றிவூர் உறையும் அரசனைப் போன்ற ஒற்றியூர்ப் பெருமான் அக்குறைகளை நீக்குவான்.

பாடியவர்                  சுந்தரர்         

திருமுறை                7ம் திருமுறை

பதிக எண்                 91          

திருமுறை எண்           9   

பாடல்

பற்றி வரையை யெடுத்த அரக்கன்

இற்று முரிய விரலால் அடர்த்தார்

எற்றும் வினைகள் தீர்ப்பார் ஓதம்

ஒற்றுந் திரைவாய் ஒற்றி யூரே.

பொருள்

மலையை அசைத்த அரக்கனாகிய இராவணின் உறுப்புகள் ஏதும் இல்லாதவாறு செய்தவர் சிவன். அவர் இதனை அவர் தனது பெரு விரலால் செய்தார். அவர் கடல் சூழ்ந்த இந்த திருவொற்றியூரில் இருந்து வினைகளை நீக்கி அடியவர்களுக்கு அருள் செய்கிறார்.

சைவத் திருத்தலங்கள் 274 - சிறு குறிப்பு

திருஞான சம்மந்தர் தனது எல்லா பாடல் அமைப்புகளிலும் ஒரு ஒழுங்கு முறையைக் கையாண்டிருக்கிறார்.

8 வது பாடல் - இராவணன் பற்றிய நிகழ்வு

9 வது பாடல் - ப்ரம்மா மற்றும் திருமால்

10 வது பாடல் - சமணர்

11 வது பாடல் - நூல் பயன்

இராவணன் சிறந்த சிவபக்தன் என்றாலும் அவனிடத்தில் அதிகமாக ஆணவமும், மாயையும், கண்மமும் இருந்தது.

இதனால் சிவத்தலங்கள் பற்றிய பாடல்கள்களில், திருஞான சம்மந்தர் பாடி இருப்பின் அதில் 8 பாடலை விளக்கப் பாடலாக எடுக்க உள்ளேன்.

கருத்துக்கள் வரவேற்கப்படுகின்றன.